“UIC Group” kompaniyasi chet ellik fuqarolar uchun O'zbekistonning barcha universitetlari haqida kerakli ma'lumotlarni olish va to'g'ridan-to'g'ri onlayn ariza berish imkoniyatini taqdim etuvchi “Study in Uzbekistan” loyihasi uchun veb-sayt yaratish bo'yicha xizmatlarni taqdim etdi.

Ushbu loyiha O'zbekistonda ta'lim tizimini yanada rivojlantirish, dunyoning turli burchaklaridagi abituriyentlarga qulaylik yaratish maqsadida yaratilgan. Ikki oy davomida ishlab chiqilgan loyiha Django texnologiyasiga asoslangan mustahkam backend va Vue.js asosida ishlab chiqilgan frontned'ni taklif etadi. Bu ishonchlilik, samaradorlik va zamonaviy dizaynni ta'minlaydi.

Universitetga kirishni istaganlar o'zlarining arizalari holati to'g'risida elektron pochta orqali xabar olishlari mumkin. “Study in Uzbekistan” veb-sayti ariza topshiruvchilarga yanada qulaylik yaratish maqsadida tanlagan ta'lim yo'nalishi bo'yicha universitetlarning reytingi tizimini ham taklif etadi.