Binolarni avtomatlashtirish va taqsimlangan obyektlarni boshqarish uchun mo‘ljallangan yagona xavfsiz maʼlumotlarni uzatish bo‘yicha operator - ONE-NET bizning kompaniyamizga rasmiy veb-saytini yaratish masalasi bilan murojaat qildi. Davlat organlari va tashkilotlari o‘rtasida idoralararo maʼlumotlar uzatish tarmog‘iga ulangan axborot tizimlari va resurslarini yagona kiberxavfsizlik uzeliga ulashni, hamda kiberxafvsizlikni taʼminlash bo‘yicha talablarni va ularga rioya etish yuzasidan huquqbuzarliklarni bartaraf etishga qaratilgan kompaniya uchun rasmiy veb-sayt yaratishi kerak edi.

Ushbu veb-saytning interfeysi o‘z logotipi bilan uyg‘unlashgan bo‘lib, foydalanuvchilar uchun zarur bo‘lgan xizmat tariflari va dolzarb yangiliklar haqidagi barcha maʼlumotlar mavjud. Shuningdek, shrift o‘lchamini, interfeys rangini sozlash (bir nechta rejimlarda saytdan foydalanish mumkin) funksiyasi, kompaniya bilan bog‘lanish zaruriyati yuzaga kelganda to‘g‘ridan-to‘g‘ri qo‘ng‘iroqlar ilovasiga yo‘naltirish funksiyasi va boshqa funksiyalarni o‘zida mujassam etgan.